Настани

EXIT 2015

09.07.2015 - 12.07.2015

15-тото јубилејно издание на Exit фестивалот во Нови Сад забележа рекордна посета.

Во текот на четирите фестивалски денови, од 9 до 12 јули, низ фестивалските порти минаа 190.000 луѓе, поставувајќи нов рекорд во оваа деценија. На над 20 фестивалски бини настапија над 500 изведувачи. Фестивалската програма траеше од 19 часот навечер до 8 часот наутро.

Нов рекорд беше поставен во текот на саботната вечер посетена од 52.000 луѓе кои дојдоа да ги видат главните ѕвезди – Manu Chao, Martin Garrix и John Newman, а истата вечер на Фјужн бината – третата по големина бина на фестивалот – настапи македонската ѕвезда Каролина. Претходниот рекорд беше поставен во 2007 кога беше забележана дневна посета од 49.000 луѓе.

Годинава главни ѕвезди на Петроварадинската тврдина во Нови Сад беа Emeli Sande, Motorhead, Hardwell, Manu Chao, Martin Garrix, John Newman, Capital Cities, Faithless, Milky Chance, Tom Odell, Eagles of Death Metal, Chris Liebing, Dixon, Adam Beyer, Leftfield, Oliver Heldens, Roni Size Reprazent, Zomboy, Goldie, Octave One, Tale of Us, Klangkarussell.

Exit авантурата продолжи на плажата Јаз во Будва каде од 15 до 19 јули се одржа Sea Dance фестивалот на кој настапија The Prodigy, Rosin Murphy, Rudimental, Sigma, Wilkinson, Gramatik, Bondax, Flight Facilities, Noisia, Modestep, James Zabiela, Kim Ann Foxman, Dubioza Kolektiv, Viva Vox....

Галерија Цела галерија

Музички времеплов
  • 1984 - Simple Minds го добиваат првиот британски бр.1 албум 'Sparkle In The Rain'.
  • 2000 - Американскиот суд јавно објавува документи на ФБИ, преку кои се открива дека John Lennon ги поддржувал ирските републиканци. Британската влада барала ваквите документи да останат тајни.
  • 1972 - Радиото KDAY од Лос Анџелес цел ден пушта две нови песни од Rolling Stones, откако добило украдени траки од домот на продуцентот на групата.
  • 1966 - Членот на Beach Boyѕ, Brian Wilson, ја снима 'Good Vibrations'.
  • 1972 - 12-годишниот Neil Reid доаѓа на првото место на британската албумска листа со својот деби албум и станува најмладиот артист што доаѓа на таа позиција.
  • Повеќе
Фреквенции
Скопје