Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1980 - Родена е американската R&B пејачка Kelis Rogers (2004 UK No.2 'Milkshake').
  • 1957 - Родена е Kim Sledge од Sister Sledge.
  • 2002 - Atomic Kitten се соочуваат со тужба, откако го отпуштаат Andy McCluskey, текстописецот на нивниот прв британски бр.1 хит 'Whole Again'. Бендот бил пред отпуштање од Innocent records кога се снимала песната, што подоцна ќе стане голем хит. Девојќите тогаш побарале поголема поделба на заработката од синглот, но McCluskey не прифатил. Според оригиналниот договор, секоја членка требало да добие по 4 фунти од секоја продадена копија на синглот.
  • 1997 - Третиот албум на Oasis, 'Be Here Now', станува еден од најбргу продаваните албуми воопшто, остварувајќи тираж од над милион копии во првиот ден од продажбата.
  • 1938 - Роден е Kenny Rogers (1977 UK No.1 'Lucille', 1980 USА No.1 & UK No.12 'Lady' и уште 15 други американски топ 40 хитови).
  • Повеќе
Фреквенции
Скопје