Настани

Д фестивал 2019

12.07.2019 21:00 - 14.07.2019 23:59

Д ФЕСТИВАЛ, единствениот летен музички фестивал во земјава, се одржа од 12 до 14 јули 2019 во Дојран. На деветтото издание низ фестивалските порти поминаа околу 30.000 посетители кои пристигнаа од 15 земји, со што е постигнат и нов рекорд на Фестивалот.

Меѓу изведувачите кои настапија на досега најуспешното издание на фестивалот беа  КИРИЛ ЏАЈКОВСКИ  во придружба на Lion D  и TK WONDER,OFENBACH, NOISIA,TOM NOVY. MAHMUT ORHAN, NAPALM DEATH, HINDI ZAHRA, AKUA NARU, ВЛАТКО СТЕФАНОВСКИ, ФОЛТИН, ПАРКЕТИ, ЏЕНГИЗ ИБРАХИМ, BAD COPY...  

Дека ова е најмасовното издание на Д Фестивал, беше наговестено уште на т.н. нулти ден односно во четвртокот, на 11-ти јули кога традиционално се отвора фестивалскиот камп, а кој годинава блесна во полн сјај и капацитет и пред официјалниот старт на програмата. Огромниот интерес кој го предизвика Д Фестивал резултираше и со исполнетост на целосниот капацитет на сите бини и зони на фестивалот, кои ја донесоа најобемната програма досега, со шест музички бини и над 20 фестивалски зони. Само во музичката програма, Д ФЕСТИВАЛ беше домаќин на повеќе од 50 музички ѕвезди, но и на двојно повеќе уметници и перформасни кои пристигнаа со повеќе од 20 здруженија во ПлоштАрт зоната во срцето на фестивалскиот камп.

Ова лето, Д-Фестивал беше збогатен со уште една музичка бина – Smooth Stage, посветена на домашната музичка сцена, а Silent Disco исто така е нова фестивалска атракција. Неделата е збогатена и со новиот програмски концепт „FAMILY DAY“, со активности за најмладите во текот на денот.

На фестивалот се одржа извонредниот музичко-театарски перформанс ЦРНИЛА РЕМИКС, а беше изведена и претставата на театарската трупа на ARTOPIA, „Да го поздравиш и да ми го бациш“. Во фестивалскиот камп имаше и филмски проекции – беше прикажан “Исцелител” на Ѓорче Ставрески, а беше организиран и филмски опус посветен на култниот македонски режисер Кирил Ценевски

Програмата вклучуваше и бројни работилници, изложби, дебати и перформанси во ПлоштАрт, бесплатна дневна програма на Lake Awake бината, базар на уметнички дела и ракотворби, многу различни атрактивни фестивалски зони исполнети со забавни и спортски активности.

Музички времеплов
  • 1972 - Chicago започнуваат 5-неделен престој на првото место на американската албумска листа со 'Chicago V'.
  • 1967 - USА No.1 Beatles 'All You Need Is Love'
  • 1988 - Hound Dog' на Elvis Presley е прогласена за највртена песна на сите времиња на американските џубокси.
  • 2001 - На 61 година умира американската соул пејачка Betty Everett. Најпозната е по хитот од 1964 година 'The Shoop Shoop Song (It's In His Kiss').
  • 1940 - Роден е текстописецот Roger Cook, бил член на Blue Mink, (1970 UK No.3 'Melting Pot'), а бил автор на над 80 топ 30 хиотви, меѓу кои и ‘Something’s Gotten Hold Of My Heart’, ‘Long Cool Woman In A Black Dress’, ‘You’ve Got Your Troubles’ и ‘I’d Like To Teach The World To Sing’.
  • Повеќе
Фреквенции
Скопје