Антена 5 Вести

Rod Stewart ќе ги затвори Brit Awards

Rod Stewart ќе го затвори престојното издание на Британските музички награди со специјален настап!

Ова ќе биде вторпат музичката легенда да настапи на наградите, по 1993 кога исто така му беше врачена наградата за Особен придонес кон музиката.

Stewart се смета за еден од најголемите рокенрол ѕвезди на сите времиња со фантастична кариера во рамките на која може да се пофали со десет бр.1 албуми и 26 топ 10 синглови во Британија. Неговите албуми се продадени во тираж од над 250 милиони примериоци во глобални рамки.

Оваа музичка легенда е се уште активна. Во 2019 го издаде албумот 'You're In My Heart: Rod Stewart With The Royal Philharmonic Orchestra', кој се пласираше на 1 позиција на британската албумска листа каде остана три недели.

Меѓу големите хитови на Stewart се вбројуваат 'Gasoline Alley', 'Every Picture Tells a Story', 'Mandolin Wind', 'You Wear It Well',  roj'The Killing of Georgie', 'Tonight's the Night', 'You're In My Heart (The Final Acclaim)', 'Do Ya Think I'm Sexy?'', 'Maggie May' ...

Британските музички награди ќе се одржат во лондонската О2 Арена на 18 февруари. На наградите ќе настапат уште Billie Eilish, Celeste, Dave, Harry Styles, Lewis Capaldi, Lizzo, Mabel и Stormzy!

Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар која ќе биде пренесувана во живо.

12.02.2020
Музички времеплов
  • 1978 - Eric Clapton го спонзорира тимот на West Bromwich Albion на натпреварот во рамките на УЕФА купот против Галатасарај од Турција. По натпреварот, Eric на секој играч му подарува златна копија од последниот албум 'Slowhand'.
  • 1986 - Lionel Richie започнува двонеделен престој на првото место на американската албумска листа со 'Dancing On The Ceiling'.
  • 1953 - Роден е Greg Ham од Men At Work (1983 UK & USА No.1 'Down Under').
  • 1990 - Името на Marvin Gaye е додадено на холивудската Патека на славните.
  • 2003 - Kylie Minogue бара од полицијата да интервенира зашто добива заканувачки писма. Добила 700 писма адресирани до нејзината приватна адреса и до канцеларијата. Првите наликувале на обични писма од обожавател, но подоцнежните станале поагресивни.
  • Повеќе
Фреквенции
Скопје