Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1991 - USА No.1 Mariah Carey 'I Don't Wanna Cry'
  • 1985 - Dire Straits го добиваат вториот британски бр. 1 албум 'Brothers In Arms', бр. 1 и во САД и во уште 24 други земји. Се продава во над 20 милиони копии во светски рамки.
  • 2001 - Гитаристот на Oasis, Noel Gallagher добива оштета од Daily Mirror заради лажна вест дека се разведува со Meg Matthews.
  • 1968 - Simon and Garfunkel го добиваат вториот американски бр. 1 албум 'Bookends'.
  • 1926 - Роден е џезерот и композитор Miles Davis. Бил големо влијание во џез музиката.
  • Повеќе
Фреквенции
Скопје