Антена 5 Вести

The 1975 ќе настапат на Brit Awards

Најдобро приодаваниот британски бенд во моментов, The 1975 ќе настапи на Британските музички награди, приклучувајќи им се на George Ezra, Little Mix и Jorja Smith на листата изведувачи.

“Почестени сме што сме номинирани во две категории за претстојните Британски музички награди и возбудени сме што ќе се вратиме во О2 Арената за да настапиме на сцената. Шоуто ќе биде извонредно,“ се вели во изјавата потпишана од момците.

Бендот The 1975 годинава e номиниран за Најдобра британска група, категорија која ја освоија во 2017, како и за Најдобар британски албум на годината. Своето трето студиско издание 'A Brief Inquiry Into Online Relationships' го објавија во ноември 2018, наедно освојувајќи ја британската албумска листа по трет пат. Оваа четворка од Манчестер во моментов е на турнеја низ Британија, а наскоро ги очекуваат и концерти во глобални рамки.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Номинациите за наградите беа објавени кон средината на јануари, а листата со по 4 номинации ја предводат Anne-Marie и Dua Lipa. Домаќин на манифестацијата е актерот и комичар Jack Whitehall.

22.01.2019
Музички времеплов
  • 1994 - UK No1Symbol “The Most Beautiful Girl In The World” 2 w.
  • 1956 - Elvis Presley за првпат настапува во Лас Вегас како предгрупа на Freddie Martin Orchestra. Поради слабиот интерес по една недела концертите се откажани, а Presley нема да настапува во Лас Вегас во следните 13 години.
  • 1987 - Carole King го тужи сопстевникот на издавачката компанија Lou Adler за неисплатени преку 400.000 долари за авторски права.
  • 1975 - на 27 години во својата гаража се беси Peter Ham, гитарист и текстописец во Badfinger. Се смета дека бил во тешка депресија поради финасиските проблеми во групата.
  • 1939 - роден е Ray Petersen чиј најголем успех била песната “Tell Laura I Love Her” која била збранета за емитување на англиското радио.
  • Повеќе
Фреквенции
Скопје