Антена 5 Вести

Robbie Williams ќе пее на Brit Awards

Британската поп ѕвезда Robbie Williams се приклучи кон листата изведувачи на претстојните Британски музички награди, заедно со Little Mix, Emeli Sande и The 1975.

Williams е рекордер по бројот на освоени награди на најпрестижната британска музичка манифестација и е добитник на наградата Брит икона која му беше врачена во ноември, па шоуто не можеше да помине без него.

“Пресреќен сум што повторно ќе настапам на Brit Awards”, изјави пејачот.

“Возбудени сме што повторно ќе го имаме Robbie на сцената бидејќи тој стана дел од историјата на овие награди. Тој е изведувач од светска класа кој никогаш не разочарува,“ стои во соопштението на организаторите.

Williams во текот на својата кариера има освоено 17 награди, а негов најблизок ривал е групата Coldplay која има освоено 9 награди. Дури и да ги освојат двете категории во кои се номинирани, Coldplay не можат да се доближат до рекордот на Williams.

Инаку, организаторите трагаат по нов водител на манифестацијата, откако Michael Buble донесе одлука да се повлече од овој ангажман поради тешката болест на неговиот син Noah.

Британските музички награди ќе се одржат на 22 февруари во лондонската O2 Арена и ќе бидат пренесувани на Антена 5 радио.

20.01.2017
Музички времеплов
  • 1933 - Родена е пејачката, актерка и поетеса Yoko Ono, сопруга на John Lennon. Се преселила од Токио во Њујорк кога имала 14 години и го запознала Lennon во 1969 година.
  • 1972 - Радиото KDAY од Лос Анџелес цел ден пушта две нови песни од Rolling Stones, откако добило украдени траки од домот на продуцентот на групата.
  • 2001 - USА No.1 Joe feat Mystikal 'Stutter'
  • 1972 - 12-годишниот Neil Reid доаѓа на првото место на британската албумска листа со својот деби албум и станува најмладиот артист што доаѓа на таа позиција.
  • 1954 - Роден е актерот и пејач John Travolta (1978 UK & USА No.1 хит со Olivia Newton John - 'You're The One That I Want').
  • Повеќе
Фреквенции
Скопје