Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1999 - Fatboy Slim започнува 4-неделен престој на првото место на британската албумска листа со 'You've Come A Long Way Baby'. Rockafellar Skunk
  • 1967 - Jimi Hendrix Experience снимаат сесија за шоу на Радио Луксембург. Во барот на радиото направиле сметка од 2,5 фунти, а немале пари да ја платат.
  • 1956 - Роден е Paul Young. 'Wherever I Lay My Hat, That's My Home'
  • 1994 - Donny Osmond учествува на добротворен бокс меч во Чикаго против поранешниот член на Partridge Family, Danny Bonaduce. Osmond изгубил 2-1.
  • 1959 - Родена е Susanna Hoffs, гитаристка и вокалистка во Bangles. 'Manic Monday'
  • Повеќе
Фреквенции
Скопје