Глобалниот феномен Green Day ќе настапат во недела, 6 ноември, во Ротердам на новото издание на MTV Europe Music Awards и ќе си ја земат MTV Global Icon наградата.
Добитниците на 3 MTV EMA награди за најдобри рок изведувачи имаат продадено милиони албум ширум светот и објавено голем број на синглови во последните 20 години. Оваа година се номинирани во 2 категории, за Најдобри изведувачи во живо и за Најдобри рок изведувачи. Revolution Radio, 12-тиот студиски албум на бендот, кој го содржи хит синглот Bang Bang беше објавен во октомври и наиде на одличен прием од музичките критичари и фановите.
Green Day се приклучуваат на листата на изведувачи кои веќе ја добиле престижната награда за Глобални икони на која се наоѓаат Duran Duran (2015), Ozzy Osbourne (2014), Eminem (2013), Whitney Houston (2012), Queen (2011) и Bon Jovi (2010).
Освен Green Day, на големото шоу во недела ќе настапат и водителката Bebe Rexha, Bruno Mars, Kings of Leon, OneRepublic, Martin Garrix, Afrojack, Shawn Mendes, DNCE, Lukas Graham и Zara Larsson. Во улога на презентери ќе се појават G-Eazy, Charli XCX, Tinie Tempah, Idris Elba, Jaden Smith, Nina Dobrev, Deepika Padukone, Jourdan Dunn и Winnie Harlow.
И оваа година екипата на Антена 5 ќе ги следи MTV наградите.
02.11.2016