Антена 5 Вести

Rag’n’Bone Man ќе настапи на Brit Awards

Минатогодишниот добитник на Critic’s Choice наградата, Rag’n’Bone Man се приклучи кон листата изведувачи на Британските музички награди.

Британскиот пејач, чие вистинско име е Rory Graham, има успешна година зад себе – неговото прво студиско издание “Human” дебитираше на 21 место на британската албумска листа и стана најбрзо продаваниот деби албум на британски машки изведувач во последната деценија. Освен тоа, минатата година на престижната манифестација ја освои и наградата за Најдобар британски нов изведувач, а настапи и на повеќе музички фестивали меѓу кои Exit во Нови Сад.

Rag’n’Bone Man се приклучува кон листата изведувачи составена од Foo Fightеrs, Ed Sheeran, Sam Smith, Dua Lipa и Stormzy.

Британските музички награди ќе се одржат на 21 февруари во лондонската O2 Арена. Водител на манифестацијата ќе биде британскиот комичар Jack Whitehall.

Антена 5 и оваа година ќе ги емитува во живо Британските музички награди и подготвува специјална програма со јавувања во живо, интервјуа и извештаи пласирани во својата радио програма и преку своите друштвени платформи.

16.01.2018
Музички времеплов
  • 1948 - Родена е пејачката и актерка Olivia Newton-John.
  • 1945 - Роден е Bryan Ferry, вокалист во Roxy Music и соло изведувач. Еве го со Roxy Music и Avalon.
  • 1943 - Роден е пејачот и клавијатурист Georgie Fame. 'The Ballad Of Bonnie and Clyde'
  • 1968 - Членот на Rolling Stoneѕ, Brian Jones добива казна поради поседување канабис.
  • 1987 - Michael Jackson започнува 6-неделен престој на првото место на американската албумска листа со 'Bad'.
  • Повеќе
Фреквенции
Скопје