Настани

Третото издание на Sea Star фестивалот во Умаг, Хрватска, беше посетено од 40.000 луѓе кои допатуваа специјално за него од триесетина земји од Европа, но и други континенти.

Во лагуната Стела Марис во Умаг на десетина бини и зони настапија водечки светски и регионални ѕвезди меѓу кои Wu-Tang Clan, Ninа Kraviz, Sven Vath, IAMDDB, Mahmut Orhan, Ilariо Alicante, но и регионалните ѕвезди Бајага и Инструктори, Хладно Пиво, Марко Настиќ, Војко В..

Забавата за добредојде се одржа во четврток, на 23 мај, на три сцени, со слободен влез за сите посетители, исто како и во неделата на 26 мај кога крајот на третото издание на Sea Star беше одбележано првин со утринско афтер парти кое траеше до пладне. Исклучителна дополнителна содржина се одвиваше во над 70 винарии низ Истра, во рамките на Деновите на отворените вински подруми. На тој ден винариите во Истра ги отвораат вртатите од утро до вечер нудејќи го најдоброто.

Двете главни фестивалски вечери се одржаа на 24 и 25 мај. Во рамките на првата вечер на главната Тесла бина настапија електро ѕвездата Nina Kraviz, техно ветеранот Sven Vath,  британската трап сензација IAMDDB, диџеј ѕвездата на новите генерации Ilario Alicante, како и регионалните трап изведувачи  Vojko V, Fox i High5.

Во рамките на втората фестивалска вечер на главната бина настапија најголемата хип хоп група во историјата Wu-Tang Clan, регионалните ѕвезди Бајага и Инструктори и Хладно Пиво, како и диџејот и продуцент Mahmut Orhan. На втората по големина бина, Наутилус арена настапија техно имиња како Марко Настиќ и Петар Дундов.

Најголеми фестивалски ѕвезди секако беа култниот хип хоп состав Wu-Tang Clan на почетокот од годината ја објави својата турнеја, прославувајќи 25 години од епохалното издание “Enter the Wu-Tang (36 Chambers)”, во рамките на која од 10 до 27 мај беа планирани 11 концерти во Британија, Ирска, Франција, Германија Холандија и Скандинавија. Егзит успеа да ја измести турнејата 2000 км подалеку благодарение на своето реноме и спомените на бендот од настапот на Петроварадинската тврдина. Секако помогна и тоа што за бендот е резервиран приватен авио џет.

Во рамките на големата регионална општествена кампања која за цел има поттикнување на соработка во сите области, ширење на љубовта, мирот, толеранцијата и создавање на добри меѓусоседски односи во регионот на фестивалската локација се одржа панел дискусија во организација на Егзит фондацијата и Си Стар фестиваот, а на која учествуваа основачот на Егзит фестивалот Душан Ковачевиќ, градоначалникот на Умаг Вили Басанесе, Фронтменот на Бајага и Инструктори – Момчило Бајагиќ Бајага и фронтменот на Хладно Пиво – Миле Кекин.

Sea Star, e дел од единственото Егзит фестивалско семејство заедно со наградуваниот Егзит во Нови Сад, како и уште 4 други фестивали - Sea Dance во Буљарица, Црна Гора, потоа Revolution во Темишвар, Романија. Festival 84 на олимписка Јахорина во Босна и Херцеговина и најновиот фестивал - No Sleep Festival во Белград, Србија

Над 80.000 посетители помогнаа фестивалот веќе после две сезони да се најде меѓу најдобрите на Медитеранот. Успехот на минатогодишното издание резултираше со номинација на Европските фестивалски награди за најдобар среден фестивал, односно најдобар фестивал со публика до 40.000 посетители дневно. Во претходните две изданија настапија меѓу другите Prodigy, Robin Schulz, Fatboy Slim, Dimitri Vegas & Like Mike, Hurts, Paul Kalkbrenner, Paul Van Dyk, Pendulum, Dubioza Kolektiv.