Спортски Вести

Започнува најбогатото светското првенство во атлетика Пекинг 2015

Светското првенство во атлетика започнува вечерва, нешто по полноќ по средноевропско време, во Пекинг, Кина.

Организаторот во соработка со ИААФ одреди рекордни парични награди за најуспешните. Вкупниот фонд на награди изнесува 7,2 милиони долари со тоа што новите светски прваци во секоја дисциплина ќе заработуваат по 60 илјади долари, освојувачите на сребрени медали по 30, а бронзените по 20 илјади. Парични награди ќе добијат и сите што ќе се пласираат до осмото место.

Во екипните дисциплини, златен медал ќе се наградува со 80 илјади долари, а секој светски рекордер ќе добие плус 100 илјади долари. Светската атлетска федерација парично ги наградува најуспешните од Мундијалот во 1997 година.

На ова Светско првенство Македонија ќе ја представува Ристе Пандев кој ќе настапи во дисциплината 100 метри уште првиот ден во пре елиминарната фаза од трките. Доколку успее да ја помине оваа фаза Пандев ќе влезе во квалификациите на трката на 100 метри кои се исто на програмта на првиот ден. Пандев е рекордер на Македонија во оваа дисциплина со резултат од 10.61 секунди.

21.08.2015
Музички времеплов
  • 1960 - Aretha Franklin ги прави првите снимки за CBS Records.
  • 1959 - Роден е Joe Elliott, вокалист во Def Leppard. На неговиот 21 роденден, во Њујорк, групата го има првиот настап во живо. Се појавуваат како предгрупа на AC/DC. 'When Love & Hate Colide'.
  • 1963 - Роден е Artis Ivey Jr, попознат како Coolio. 'Gangsta's Paradise'
  • 1987 - Со работа започнува каналот MTV Europe. Прв спот што е пуштен е за хитот 'Money For Nothing' на Dire Straits, кој го содржи стихот 'I Want My MTV'.
  • 1970 - Лондонска премиера на филмот 'Performance' со Mick Jagger во една од улогите.
  • Повеќе
Фреквенции
Скопје