Спортски Вести

Пријавени 24 пливачи за 29-тиот Охридски пливачки маратон

Дваесет и четири натпреварувачи од кои 12 мажи и исто толку жени од Македонија, Аргентина, Италија, Венецуела, Бразил, Бугарија, Канада, Германија, Хрватска, Русија и Шпанија имаат пријавено учество на 29-тиот по ред Меѓународен пливачки маратон што в сабота 29. август ќе се плива во водите на Охридското Езеро.

Меѓу пливачите од светската маратонска елита оваа година боите на Македонија ќе ги бранат нашите маратонци Томи Стефаноски и Евгениј Поп Арсов.

Охридскиот пливачки маратон се плива на патеката „Климе Савин“ од манастирскиот комплекс „ Св. Наум“  до Градското пристаниште во Охрид, со вкупна должина од 30 километри.

Организатори на  маратонот се Меѓународната пливачка федерација (ФИНА), Македонската пливачка федерација, Општина Охрид и Капетанијата на пристаништата. Оттаму со информација дека сите активности во врска со настанот се во завршна фаза. Општина Охрид и оваа година целосно ја презема одговорноста околу техничката организација  на маратонот, што подразбира  поддршка околу организацијата  во поглед на чамци за придружба, контролни чамци, глисери, бродови, детали околу организирањето на културно–забавниот дел на  манифестацијата на самата цел, како и нуркачи, спасувачки  екипи  и друго.

За охридската локлана самоуправа Охридскиот пливачки маратон е настан од посебна важност, бидејќи како настан од светски рамки, придонесува за афирмација на Охрид како спортски и туристички центар.

25.08.2015
Музички времеплов
  • 1966 - Од Њујорк во Лондон пристигнува Jimi Hendrix заедно со својот менаџер Chas Сhandler. Hendrix доаѓа само со облеката на себе, зашто останатите работи што ги носел ги продал за да го плати престојот во хотел во Њујорк.
  • 1942 - Роден е Gerry Marsden од Gerry and the Pacemakers. 'How Do You Do It'
  • 1942 - Родена е фотографката и борец за правата на животните Linda McCartney (Linda Eastman), сопруга на Paul McCartney. Била дел и од Wings, кои ги слушаме со My Love.
  • 1997 - Barry Loukaitis е осуден зашто убил двајца ученици и учителот во училиште во Вашингтон. Се тврди дека копирал сцени од спотот на Pearl Jam, 'Jeremy'.
  • 1983 - USА No.1 Billy Joel 'Tell Her About It'
  • Повеќе
Фреквенции
Скопје